«Ювентус» Чемпиондар лигасы матчында жеңіске жетті

Туринде (Италия) УЕФА Чемпиондар лигасының 2024/25 маусымындағы бірінші тур ойындары басталды, деп хабарлайды Prosports.kz.

Туриндік «Ювентус» өз алаңында голландиялық ПСВ Эйндховенмен кездесіп, 3:1 есебімен ірі жеңіске жетті. 21-минутта түрік шабуылшысы Кенан Йылдыз есеп ашты. Алты минуттан кейін Уэстон Маккенни есепті еселеді. 52-минутта Николас Гонсалес алаң иелерінің үшінші голын соқты. 93-минутта Исмаэль Сайбари ПСВ-ның жұбаныш добын соқты.

Айта кетейік, Чемпиондар лигасының жаңа форматы бойынша барлық командалар лига кезеңінде сегіз матч өткізеді - төртеуі өз алаңында және төртеуі сыртта. Клубтар барлық қарсыластармен бір рет қана ойнайды.