«Манчестер Ситидің» шабуылшысы Қазақстанмен ойын алдында аяғын сындырып алды

«Манчестер Сити» мен Норвегия құрамасының вингері Оскар Боб жаттығу кезінде ауыр жарақат алып, ұзақ уақыт алаңға шықпайды, деп хабарлайды Prosports.kz.

Дәрігерлер 21 жастағы футболшының аяғы сынған деген диагноз қойған. Олардың болжамдары бойынша, норвегиялық үш-төрт айсыз матчтарға қатыса алмайды.

Естеріңізге сала кетейік, 6 қыркүйек күні Норвегия құрамасы Ұлттар лигасы аясында Қазақстан құрамасымен сырт алаңда матч өткізеді.