Қасым мен Байтана қай клубқа ауысуы мүмкін?

Семейлік «Елімай» қорғаушы Әлібек Қасым мен жартылай қорғаушы Бауыржан Байтануды сатып алуға қызығушылық танытып отыр, деп хабарлайды Prosports.kz Meta-ratings.kz сайтына сілтеме жасап.

Қолда бар мәліметтерге сүйенсек, футболшыларды шақыруға бұған дейін «Ақтөбеде» футболшылармен жұмыс істеген клубтың бас бапкері Андрей Карповичтің өзі мүдделі.

Естеріңізге сала кетейік, 17 шілдеде Байтана Ақтөбеден ресми түрде кетіп, еркін агент атанды.

Қасымға келсек, түрлі ақпарат көздеріне сүйенсек, ақтөбеліктер 26 жастағы қорғаушымен қоштасуға дайын.