«Реал» бір күнде Мбаппенің қанша жейдесін сатты

Мадридтік «Реал» шабуылшы Килиан Мбаппенің футболкаларын сата бастады, деп хабарлайды Prosports.kz.

Бір күннің ішінде франциялық шабуылшының нөмірі мен тегі жазылған жейделердің сатылымы Джуд Беллингемдікінен 450% жоғары болды.

Мадридтік клубтың интернет-дүкені Мбаппенің жейделерінен 1 миллион еуро табыс тауып үлгерді. Сонымен қатар, «корольдік клуб» оффлайн дүкенінде 7 мыңнан астам футболка сатты.

Бұған дейін 25 жастағы Мбаппенің «Реалда» 9 нөмірмен өнер көрсететіні белгілі болған еді.