Еуро-2024: Словакия мен Румыния тең нәтиже тіркеді

Германияда өтіп жатқан Еуропа чемпионатында Словакия мен Румыния құрамалары Е тобының үшінші турындағы ойынын өткізді, деп хабарлайды Prosports.kz.

Кездесу Франкфурттегі Deutsche Bank Park стадионында өтті.

24-минутта словакиялық жартылай қорғаушы Ондрей Дуда есеп ашты. Арада 13 минут өткенде Румыния құрамасының жартылай қорғаушысы Разван Марин 11 метрлік жерден дәл соққымен таразы басын теңестірді.

Нәтижесінде ойын 1:1 есебімен тең аяқталды.

Румыния бірінші орынмен, Словакия үшінші орынмен 1/8 финалға шықты.