«Туран» «Қайраттың» бұрынғы бапкері Курбан Бердыевпен келісімшартқа отырды

Товуздық «Тұранның» спорт директоры Самед Насибов клубты жақын арада Курбан Бердыев басқаратынын растады, деп хабарлайды Prosports.kz сайты Meta-ratings.kz.-ке сілтеме жасап.

«Біз Курбан Бекиұлымен оның клубтағы жұмысы туралы келістік, тек құжаттарға қол қою ғана қалды. Жақын арада ол «Тұранның» бас бапкері болады», - деді Насибов Sport24 арнасына берген сұхбатында.

Бердыевтің кейінгі жұмыс орны Махачкаланың «Динамосы» болды, оны 2023 жылдың шілдесінен 2024 жылдың қаңтарына дейін басқарды. «Тұран» кейінгі Әзербайжан чемпионатында 6-орынға ие болды.

Айта кетейік, Курбан Бердыев «Қайратты» 2021-2022 жылдар аралығында басқарған. Бердыевтің басшылығымен команда Қазақстан кубогын жеңіп алды, сонымен қатар 2021 жылы үшінші орынға ие болды. 2022 жылдың 6 маусымында жаттықтырушы мен клуб тараптардың өзара келісімімен келісімшартты бұзды.