Әліп дебюттік голын соғып, «Зенит» Ресей кубогын жеңіп алды

2 маусымда Ресей кубогының суперфиналында калининградтық «Балтика» мен санкт-петербургтік «Зенит» кездесті, деп хабарлайды Prosports.kz.

Мәскеудегі «Лужники» стадионында өткен ойында 2:1 есебімен «Зенит» жеңіске жетті.

40-минутта Алекс Фернандес калининградтықтарды алға шығарған. 81-минутта петерборлық клубтың қорғаушысы Нино есепті теңестірсе, қосымша уақытта Нұралы Әліп жеңіс голын соқты.

Осылайша «Зенит» Ресей кубогының иегері атанды.