Гвардиола «Манчестер Ситидің» болашақ бапкерін атады

«Манчестер Ситидің» бас бапкері Пеп Гвардиола «қалалықтардың» болашақ бапкерінің есімін атады, деп хабарлайды Prosports.kz.

«Винсан Компани Манчестер Ситидің болашақ бапкері болады.

Иә, бұл міндетті түрде орын алады. Бұл орын алғанда маған қоңырау шалыңыз», - деп Гвардиоланың сөзін келтіреді журналист Фабрицио Романо.

Бұған дейін Компания Баварияны баптайтыны хабарланған болатын. Тараптар ауызша келісімге келді.

Бернли Компани үшін 10-12 миллион еуро көлемінде өтемақы алады.