«Сбербанк» кубогының» іріктеу додасы мәресіне жетті

<div> <strong>&nbsp;Қызылорда қаласында &laquo;Сбербанк&raquo; кубогына арналған балалар арасындағы турнирдің іріктеу кезеңі аяқталды, деп хабарлайды&nbsp;<strong style="text-align: justify;"><a href="http://prosportkz.kz">&laquo;</a></strong><a href="http://prosportkz.kz" style="text-align: justify;">PROСПОРТ&raquo;.</a></strong></div> <div> &nbsp;</div> <div> Енді финалдық ойындар қазанның 31-і мен қарашаның 1-і күндері өтеді. Жарысқа қаланың 38 орта мектебі қатысуға өтініш білдірген. 2006 жылғы жеткіншектер арасындағы турнирдің бірінші кезеңінде 7 топқа бөлінген командалар алдымен аймақтық турнирлердің жеңімпаздарын анықтады.</div> <div> &nbsp; &nbsp; &nbsp;</div> <div> Қаланың жеті аймағына бөлінген топтардың әрқайсысында жеті-сегіз командадан бақ сынап, үздіктері іріктеліп шыға берді. Осылайша №5 орта мектептің алаңында өткен топта №1 орта мектептің балғын балаларына қарсылас шақ келген жоқ. Барлық қарсыластарын қапы қалдырған олар енді финалдық кезеңде бақтарын сынап, бас жүлдеге таласатын болады. Одан бөлек, №173, №222, №235, №198, №9 және №176 мектептердің ұландары өзгелерден озық шығып, аймақтық кезеңдердің жеңімпаздары атанды. Ал финалдық кезеңде сегізінші команданы іріктеу кезеңінен өте алмаған мектептердің үздік ойыншыларынан жасақталған құрама команда құрайды.</div> <div> &nbsp; &nbsp;</div> <div> Иә, жалпы балалардың футболы өте қызық. Әсіресе, теңбіл допты бірінші рет теуіп тұрған өрендердің ойынын тамашалау &ndash; көз тойып, айыз қанар бір ғанибет. Кім біледі, бәлкім, &laquo;Қайсар&raquo; футбол клубының болашақ жұлдыздары осылардың арасында жүрген шығар. Өйткені, турнир қорытындысы бойынша, өздерін жақсы қырынан көрсеткен балалар &laquo;Қайсар&raquo; футбол орталығына қабылданып, футболмен кәсіпқой деңгейде айналысуға мүмкіндік алады.</div> <div> &nbsp;</div> <div> -<span class="Apple-tab-span" style="white-space:pre"> </span>Әлбетте, осындай турнирдің ұйымдастыруға мұрындық болып отырған &laquo;Сбербанк&raquo; Қызылорда қалалық филиалына алғыс білдіреміз. Мұндай жарыс өңірімізде тұңғыш рет ұйымдастырылып отыр. Бірақ дәстүрлі түрде өтеді деген үміттеміз. Енді осы жарыстың қорытындысы бойынша, өздерін жақсы қырынан көрсеткен 40 шақты баланы &laquo;Қайсар&raquo; футбол орталығына қабылдауды жоспарлап отырмыз. Жартысын қалалық филиалдарға жібереміз де, ең үздіктерін бас орталыққа қабылдаймыз, - деді турнир туралы пікірін білдірген Қазақстан футбол федерациясының техникалық директоры, оңтүстік орталықтардың кураторы Евгений Булгаков.</div> <div> &nbsp; &nbsp; &nbsp;</div> <div> Естеріңізге сала кетейік, аталмыш турнир &laquo;Қайсар&raquo; футбол клубы, Қызылорда облыстық футбол федерациясы және &laquo;Сбербанк&raquo; Қызылорда қалалық филиалының арасындағы үш жақты Меморандум аясында ұйымдастырылуда. Турнир алдында үш тараптың басшылары облыста балалар футболын дамытуға байланысты Серіктестік меморандумына қол қойған болатын.</div>