Ұлттық құрамалар тарихындағы төртінші үздік сұрмерген карьерасын аяқтайтынын мәлімдеді

Үндістан құрамасының шабуылшысы Сунил Чхетри карьерасын аяқтайтынын мәлімдеді, деп хабарлайды Prosports.kz тілшісі Бүкілүндістандық футбол федерациясына сілтеме жасап. 

Ол 94 голмен ұлттық құраманың үздік бомбардирі. Футболшы ұлттық құрамалар арасында әлемдегі ең нәтижелі ойыншылар тізімінде 4-орында. Одан көп голды Лионель Месси (Аргентина, 106), Али Даеи (Иран, 109) және Криштиану Роналду (Португалия, 128) соқты.

Форвард қазір «Бенгалуру» сапында ойнайды. Ол соңғы кездесуін 6 маусым күні Кувейт құрамасына қарсы өткізеді.