Айбол Әбікен «Ордабасы» ойыншысы атанды

Жартылай қорғаушы Айбол Әбікен «Ордабасы» ойыншысы атанды, деп хабарлайды Prosports.kz сайты клубтың баспасөз қызметіне сілтеме жасап.

«Ресми: Айбол Әбікен «Ордабасы» ойыншысы.
Отбасымызға қош келдіңіз, Айбол», - деп жазды клубтың баспасөз қызметі.

Айта кетейік, футболшы 2022 жылы допинг қолданғаны үшін төрт жылдық дисквалификация алған. Кейін оның жазасы екі жылға дейін қысқарды.

Айбол Әбікен – «Қайраттың» түлегі. Сондай-ақ ол «Ақсу» сапында өнер көрсеткен. Қазақстан жастар құрамасы мен негізгі командада ойнады.