«Зенит» Әліпсіз РПЛ матчында жеңілді

Ресей Премьер-Лигасының (РПЛ) 21-туры аясында санкт-петерборлық «Зенит» өз алаңында қазандық «Рубин» командасын қабылдады, деп хабарлайды Prosports.kz.

Санкт-Петербургтегі «Газпром Арена» стадионында өткен кездесу «Зениттің» сенсациялық жеңілісімен аяқталды - 0:2.

Қазақстан құрамасының қорғаушысы Нұралы Әліп «Зениттің» негізгі сапына шығып, үзілісте алмастырылды.

Ресей чемпионатында 50 ұпаймен «Зенит» көш бастап тұр. «Рубин» 36 ұпаймен РПЛ-да сегізінші орында.