Қазақстанның қазіргі чемпионы бас бапкер туралы мәлімдеме жасады

Шымкенттік «Ордабасы» командасының бас бапкері Александр Седнев қызметінен кетуін сұрады, деп хабарлайды Prosports.kz.

«Команданың бас бапкері Александр Седнев «Қызыл-Жармен» өткен ойыннан кейін клуб басшылығына клубтан кеткісі келетінін хабарлады. Шымкент қаласының басшылығы шешім қабылдауға уақыт бөлді», - деп жазады клубтың баспасөз қызметі.

Естеріңізге сала кетейік, командалар Премьер-лиганың бесінші турының матчында кездесіп, ойын 1:1 есебімен тең аяқталды.

Айта кетейік, «Ордабасы» Қазақстанның қазіргі чемпионы.