«Оқжетпес» 23 жастағы қорғаушымен келісімшартқа отырды

Көкшетаулық «Оқжетпес» 23 жастағы қазақстандық қорғаушы Жалғас Жақсылықпен келісімшартқа отырды, деп хабарлайды Prosports.kz.

Тараз футбол мектебінің шәкірті Жалғас Жақсылық кәсіпқой футболдағы мансабын Шымкенттегі «Оңтүстік» академиясында бастады. Және «Тараз», «Мақтаарал», «Тұран» командаларында өнер көрсетті.

Ол Қазақстан Премьер-Лигасындағы дебютін 2021 жылы 14 сәуірде «Тұранға» қарсы ойында өткізді. Қазақстан жастар құрамасы сапында 6 кездесу өткізген.