Эндрю Мвесигва: «Қазақ футболы жыл сайын дамып келеді»

<p style="text-align: justify;"> <strong>Кипр елінде өнер көрсетіп жүрген &laquo;Ордабасының&raquo; бұрынғы ойыншысы Эндрю Мвесигва &laquo;PROСПОРТ&raquo; тілшісіне берген сұхбатында Қазақ футболының деңгейі мен &laquo;Астана&raquo; футбол клубының Чемпиондар лигасындағы жетістігі жайлы айтып берді.</strong></p> <p style="text-align: justify;"> - Қазіргі таңда, Кипр елінде өнер көрсетіп жүрмін. Бірақ мұнда тек қаңтар айына дейін ойнаймын. Қыста басқа чемпионатқа ауысамын деген ойдамын, - деп бастады Эндрю. &ndash; Қазақстанға оралғым келеді. Бұл мемлекетке үйреніп кеттім.</p> <p style="text-align: justify;"> <strong>- Яғни, басты мақсатыңыз Қазақстанға қайта оралу ма? Шымкенттік &laquo;Ордабасыдан&raquo; ұсыныс келген жоқ па?&nbsp; </strong></p> <p style="text-align: justify;"> - Иә, Қазақстанды сағындым. Шымкенттік клубтан әзірге ұсыныс келген жоқ, жалпы өзім де &laquo;Ордабасының&raquo; жанкүйерлеріне үйреніп кеттім.</p> <p style="text-align: justify;"> <strong>- Қазақ футболын бақылап, көріп жүрсіз бе? </strong></p> <p style="text-align: justify;"> - Иә, ғаламтордан бақылап жүрмін. &laquo;Астананың&raquo; Чемпиондар лигасына шығуымен барша қазақстандықтарды құттықтаймын. &laquo;Галатасараймен&raquo; өткен ойында жақсы ойын көрсетті. Жалпы &laquo;Астананың&raquo; Чемпиондар лигасының топтық кезеңіне шыққанына еш таң қалған жоқпын. Өйткені, жыл сайын елордалық команда ойын өрнегін жақсартып, жоғарыға ұмтылуда.</p> <p style="text-align: center;"> <img alt="" src="/cms/uploads/images/Interview-with-Andy-Mwesigwa.jpg" style="width: 600px; height: 480px;" /></p> <p style="text-align: justify;"> <strong>- Елордалық команда өз тобында қанша ұпай жинай алады деп ойлайсыз? </strong></p> <p style="text-align: justify;"> - Бұл сұраққа жауап беру қиын. &laquo;Астананың&raquo; топтық кезеңге шығудың өзі үлкен жетістік. Қанша ұпай жинайтынын айта алмаймын, бірақ әр ойында соңына дейін тырысатынына күмәнім жоқ.&nbsp;</p> <p style="text-align: justify;"> <strong>- Биыл, ел чемпионы атағына &laquo;Қайрат&raquo; пен &laquo;Астана&raquo; тартысуда, кім ұтады деп ойлайсыз? </strong></p> <p style="text-align: justify;"> - &laquo;Қайрат&raquo; чемпион болады. Қазақстандағы ең мықты инфрақұрылымы бар командасы осы &laquo;Қайрат&raquo;. Сондай-ақ, оның бапкері Владимир Вайсс өте тәжірибелі маман. Бұған қоса алматылық клубта ең мықты қазақстандық ойыншы Бауыржан Исламхан ойнайды. Бұл жігіттің болашағы зор. Оған тез арада Еуропаға кеткен жөн.</p> <p style="text-align: justify;"> <strong>- Қазақ футболының деңгейі соңғы жылдармен салыстарғанда өсті ме? </strong></p> <p style="text-align: justify;"> - Әрине. Қазақ футболы жыл сайын дамып келеді. Соңғы бес жылда Қазақстан футболының деңгейі бірнеше есе жоғарылады. &laquo;Шахтер&raquo; мен &laquo;Астананың&raquo; көрсеткіштері соған дәлел. Мықты легионерлер келе бастады. Алдағы уақытта, Қазақстанға қайта ораламын деген ойдамын.</p> <p> &nbsp;</p> <p align="right"> <em>Сұхбаттасқан: Қайсар ОҚАС</em></p> <script> </script>