«Хан Тәңірі» Қазақстан құрамасының бұрынғы ойыншысын қатарға қосты

«Хан Тәңірі» қазақстандық жартылай қорғаушы Марат Шахметовпен келісімшартқа отырғанын жариялады, деп хабарлайды Prosports.kz.

Марат 1989 жылы 6 ақпанда Алматы қаласында дүниеге келген. Мансабын 2006 жылы «Алма-Ата» сапында бастады.

Қазақстанның жастар және жасөспірімдер құрамасында өнер көрсетті. 

2011 жылы 10 тамызда Қазақстан құрамасының сапында дебют жасаған.

Қазақстан суперкубогының иегері (2011), ел кубогының үш дүркін жеңімпазы (2006, 2010, 2012).