«Қызыл-Жар» украиналық орталық шабуылшыны қатарына қосты

Қазақстандық «Қызыл-Жар» клубы жаңа жыл қарсаңында кезекті келісімін жариялады, деп хабарлайды Prosports.kz.

«Алексей Щебетун – украин футболының, әсіресе Киевтің «Динамосының» түлегі. Алексей сондай-ақ «Металлург», «Авангард», «Оболон» және «Краматорск» командаларында және өз отанынан тыс жерде Минскінің «Луч» және форвардтың кейінгі командасы – литвалық «Шауляй» сияқты клубтарда ойнады.

Ол Литвада жалпы 60 рет алаңға шығып, осы уақыт ішінде 20 гол соғып, 7 нәтижелі пас берді», - делінген хабарламада.