«Реалдың» Мбаппеге соңғы рет қандай қаржылық шарттар ұсынатыны белгілі болды

Мадридтік «Реал» қаңтарда ПСЖ шабуылшысы Килиан Мбаппемен келісімге келетін соңғы әрекетін жасамақ, деп хабарлайды Prosports.kz.

Marca басылымының хабарлауынша, мадридтік ұсыныс 2022 жылғыдай болады: француз футболшысы салықтан бөлек жылына 26 миллион еуро, сондай-ақ клубқа келгені үшін 130 миллион бонус алады.

Келіссөздер келесі аптада басталады.

Мбаппенің трансфері бұл жолы орындалмаса, «Реал» 25 жастағы шабуылшыны сатып алу әрекетінен бас тартады.