Нұралы Әліптің трансферлік құны рекордтық бағаға жетті

Transfermarkt порталы Ресей Премьер-лигасы ойыншыларының трансферлік бағасын жаңартты, деп хабарлайды Prosports.kz.

«Зениттің» және футболдан Қазақстан ұлттық құрамасының қорғаушысы Нұралы Әліп бірден 1 миллион еуроға өсті - қазір қазақстандықтың трансферлік құны 3 миллион еуроға бағаланып отыр.

Бұл бағаның көтерілуі Қазақстан құрамасының Еуро-2024 іріктеу кезеңіндегі сәтті ойынынан кейін болды. Және петерборлық клубта негізгі құрам ойыншысы атанды.