Мүмкіндік жоқ па? «Астана» өз алаңында «Динамодан» жеңілді
Бүгін футболдан Конференция лигасы топтық кезеңінің бесінші туры аясында «Астана» өз алаңында «Динамо Загребті» қабылдады, деп хабарлайды Prosports.kz.
«Астанаға» плэй-офф кезеңінің жолдамасына таласу үшін өз алаңында «Динамоны» жеңуі керек еді.
Ойынның өзі жылдам голмен басталуы ықтимал болатын. Бірақ 12-минутта Дербо Дарбо пенальтиден гол соға алмады. Шабуылшы кейін де ұрымтал сәттерден мүлт кетті.
Үзіліске дейін, осылайша, есеп ашылмады. Ал екінші таймда тек қонақтар гол соқты. 48-минутта 19 жастағы Габриэль Видович есеп ашты. 79-минутта Такуро Канеко есепті еселеді.
Ол кезде «Астана» он футболшымен ойнап жатқан, себебі алты минут бұрын Душан Йованчич алаңнан қуылған болатын.
Қазір елордалық клуб 4 ұпаймен үшінші орынға түсті. Хорваттар алты ұпаймен екінші орынға көтерілді.
«Астана» (Астана, Қазақстан) - «Динамо Загреб» (Загреб, Хорватия) 0:1 (0:0)
Голдар: Видович 48, Канеко 79
Төреші: Джон Битон (Шотландия)
30 қараша. Астана. «Астана Арена» стадионы