ШҚО-да «Реал Мадрид» тәжірибесі бойынша жаттықтыратын футбол академиясы құрылады

<p style="text-align: justify;"> <strong>ШҚО әкімдігі және испандық консалгтингтік &laquo;SOXNA&raquo; компаниясы арасында &laquo;Реал Мадрид&raquo; футбол клубының тәжірибесі бойынша жаттықтыратын 100 орындық футбол академиясының құрылуына меморандумға қол қойылды.</strong><strong>&nbsp;</strong></p> <p style="text-align: justify;"> Облыс әкімі Даниал Ахметовтың тапсырмасы бойынша соңғы айларда футбол академиясының құрылуы жайлы мәселелер қарастырылып, таңдауға неміс және испандық командалардың тәжірибесі алынған. Осы орайда испандық &laquo;SOXNA&raquo; компаниясымен келісімшарт орнап, испаниялық жаттықтырушылар &laquo;Реал Мадрид&raquo; командасы тәжірбиесі бойынша жаттықтыратын футбол академиясының құрылысы жоспарланды.</p> <p style="text-align: justify;"> Академия Өскемен қаласында жұмыс жасайтын болады. Бастапқыда 12-15 жас аралығында 100 бала қабылданып, 50 баладан екі топқа бөлінеді. Әр топтан 25 баладан тұратын 2 команда құрылады. Осылайша, 4 команда жұмыс жасап, әр команданы жеке испаниялық жаттықтырушы жаттықтырады. Сондай-ақ, шетелдік жаттықтырушылар жергілікті жаттықтырушыларды да жаттықтырмақ.</p> <p style="text-align: justify;"> Ал академияға балаларды іріктеу ағымдағы жылы қазан айынан бастап жүреді.</p> <p style="text-align: justify;"> &ndash; Бұл біздің аймақ үшін өте маңызды жоба болғандықтан, академияда балалардың жаттығуына барлық жағдай жасалатын болады. Облысымыздан бөлек, өзге аймақтардан, әсіресе ауылды жерлерден балаларды тартып, академияда тұруы үшін орын бөлеміз, &ndash; деді ШҚО әкімі Даниал Ахметов.</p> <p style="text-align: justify;"> Өз кезегінде, &laquo;SOXNA&raquo; компаниясының президенті Алсина Луис облыс басшылығына алғысын білдіріп, жоба үлкен жетістікке жететіндігін мәлімдей отырып, ШҚО әкімінің орынбасары Жақсылық Омармен меморандумға қол қойды.</p> <p style="text-align: justify;"> Алдағы уақытта балаларды 10 &ndash; 16 жас аралығында қабылдап, санын 200-ге жеткізуді көздеуде. Ал жаттығу жылдың төрт мезгілінде тоқтаусыз жүруі үшін, төбесі ашылмалы футбол манежы салынады. Айта кетсек, &laquo;SOXNA&raquo; компаниясы дәл осындай жүйе арқылы әлемнің 10 елімен жұмыс жасауда.&nbsp;</p> <p style="text-align: justify;"> &nbsp;</p> <p style="text-align: justify;"> Baq.kz сайтынан</p> <div> &nbsp;</div>