Қазақстан құрамасының Даниямен өткен кездесудегі ең үздік және ең нашар ойыншылары анықталды

Whoscored.com және Sofascore.com статистикалық сайттары футболдан 2024 жылғы Еуропа чемпионатының іріктеу турнирі аясында Дания құрамасына қарсы өткен ойында (1:3) Қазақстан құрамасының ойыншыларына баға берді, деп хабарлайды Prosports.kz.

Үзілістен кейін бірден алаңға шығып, гол соққан қорғаушы Ян Вороговский Қазақстан құрамасының үздік ойыншысы атанды. Ол SofaScore-тан 7,5 және WhoScored-тен 7,3 ұпай алды. Қақпашы Игорь Шацкий ең нашар футболшы деп танылды – SofaScore оған 5,9 ұпай берді, WhoScored – 5,5 ұпай.

Естеріңізге сала кетейік, өткен жеті матчтың қорытындысы бойынша Қазақстан құрамасы 12 ұпай жинап, Еуро-2024 іріктеу кезеңінің Н тобындағы турнир кестесінде төртінші орында келеді.