Жиру А сериясының тур командасына қақпашы ретінде енді

А сериясы 8-турдың үздік қақпашы Оливье Жиру болды деп есептейді, деп хабарлайды Prosports.kz.

«Дженоаға» (1:0) қарсы ойынның соңында «Милан» қақпашысы Майк Меньян алаңнан қуылғаннан кейін шабуылшы оның орнына қақпада тұрды. 37 жастағы француз командасын бір голдан аман алып қалды.

Лига Жируды тур командасына қақпашы ретінде енгізді.

Сондай-ақ символикалық командаға қорғаушылар Федерико Гатти («Ювентус»), Иларио Монтериси («Фрозиноне») мен Леонардо Спиназола («Рома»), жартылай қорғаушылар Матиас Весино («Лацио»), Джакомо Бонавентура («Фиорентина»), Леандро Паредес («Рома»), Рейньер мен Матиас Соуле (екеуі де «Фрозиноне»), шабуылшылар Ромелу Лукаку («Рома») мен Валентин Кастельянос («Лацио») енді.