Роналду Сауд Арабиясы чемпионатындағы матчта гол соға алмады

Сауд Арабиясы Про-Лигасының 9-турында «Аль-Наср» өз алаңында «Абхамен» тең ойнады, деп хабарлайды Prosports.kz.

Эр-Риядта өткен кездесу 2:2 есебімен аяқталды.

3-минутта Отавио Криштиану Роналдудың пасынан кейін есеп ашты. 28-минутта Андерсон Талиска есепті еселеді. Қонақтар 36-минутта Саад Бгуир соққан пенальтидің арқасында есеп айырмасын қысқартқан, ал 92-минутта Карл Токо Экамби есепті теңестіріп кетті.  

Осылайша, «Аль-Насрдың» 10 ойынға жалғасқан жеңісті сериясы аяқталды. Роналдудың Сауд Арабиясы чемпионатындағы алты матчтқа созылған гол соғу сериясы да үзілді.