Чемпиондар лигасының ең жас ойыншысы анықталды

«Барселонаның» жартылай қорғаушысы Ламин Ямаль Чемпиондар лигасының рекордын орнатты, деп хабарлайды Prosports.kz.

«Портуға» қарсы матчта 16 жастағы (83 күн) испаниялық футболшы алаңға шықты. Ол турнир тарихында негізгі құрамда алаңға шыққан ең жас ойыншы атанды.

Бұған дейінгі рекорд «Андерлехт» ойыншысы Селестин Бабаяроға (16 жас 86 күн) тиесілі болатын.

Осы маусымда Ямал барлық турнирде 9 матчқа қатысып, екі нәтижелі пас берді.