Күрестен ӘЧ: Қазақстан үшін тарихи финал қаншада басталады және оны қайдан көруге болады?
Белградта (Сербия) күрес түрлерінен әлем чемпионаты жалғасып жатыр. Кезекті жарыс күні екі қазақстандық балуан еркін күрестен турнирдің жартылай финалына шықты, деп хабарлайды Prosports.kz.
Ширек финалда Мейрамбек Қартбай (57 келі) жеңіске жетті. Жартылай финалда ол жапониялық Рей Хигучимен күш сынасады.
Ризабек Айтмұхан (92 келі) түркиялық Фейзулла Актүрікті жеңді.
Жартылай финалдық белдесулер Астана уақытымен 20:45-те басталады. Трансляцияны «Qazsport» телеарнасынан көруге болады.
Еске сала кетейік, Сербиядағы турнирде Олимпиадаға іріктеу болады. Онда әр олимпиадалық салмақта 5 жолдама сарапқа салынады.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или