Қазақстан күрес түрлерінен әлем чемпионатын сәтсіз бастады
Бүгін Белградта (Сербия) күрес түрлерінен 2023 жылғы әлем чемпионаты басталды, деп хабарлайды Prosports.kz.
Жарыстың бірінші күні Қазақстан намысын Үсімжан Дастанбек (61 келі), Санжар Досжанов (70 келі), Азамат Дәулетбеков (86 келі) және Юсуп Батырмырзаев (125 келі) қорғады.
Төрт балуанның ішінен іріктеу белдесуінде тек Азамат Дәулетбеков жеңіске жетті. Ол Литва өкілі Домантас Павлющенкодан мықты болып шықты.
Үсімжан Дастанбек америкалық Виталий Оруджеваны жеңе алмады. Санжар Досжанов әзербайжан балуаны Магомед Башир-Ханиевке есе жіберді. Ал Юсуп Батырмырзаев америкалық Марк Паррис Мейсоннан жеңіліп қалды.
