Қазақстан - Финляндия матчында рекорд тіркелді

Еуро-2024 іріктеуінің 5-турындағы Қазақстан - Финляндия матчында өз алаңымыздағы жанкүйерлер саны бойынша рекорд орнатылды, деп хабарлайды Prosports.kz.

Астанадағы бүгінгі кездесуге 30 019 көрермен жиналды. Бұл Қазақстан құрамасының тарихындағы өз алаңындағы матчқа келген жанкүйерлер саны бойынша жаңа рекорд.

Бұған дейін елордалық стадионда Қазақстан – Беларусь (2:1) матчына 29 637 адам жиналған болатын.