Қызылорда облысында стадион салуға бюджеттен қанша қаржы бөлінетіні белгілі болды

Қызылорда облысының билігі стадионға 18 миллиард теңгеден астам қаражат жұмсауға дайын, деп хабарлайды Prosports.kz ҚазТАГ агенттігіне сілтеме жасап.

«Тапсырыс беруші – «Қызылорда облысының құрылыс, сәулет және қала құрылысы басқармасы» КММ; атауы - тұрғын емес ғимараттарды/құрылыстарды тұрғызу (салу) бойынша жұмыстар; Қосымша сипаттама – Қызылорда облысы, Қызылорда қаласында 7 мың орындық стадионның құрылысы. байланыстыру; жоспарланған сома 18 399 671 740 теңге», - делінген мемлекеттік сатып алу порталында жарияланған лоттың сипаттамасында.

Өтінімдерді алдын ала қабылдау 6-21 қыркүйек аралығында жүргізіледі.