«Тобыл» футбол клубына техникалық жеңіліс есептелді

ҚКФЛ «Тобыл» футбол клубына техникалық жеңіліс тіркеді, деп хабарлайды Prosports.kz.

Қазақстанның кәсіпқой футбол лигасы Чемпионат Регламентінің 68-тармағын бұзғаны үшін, атап айтқанда футболшы Игорь Ивановичтің бір тур аясында екі клуб сапында заңсыз алаңға шыққаны үшін, Қазақстан футбол федерациясының Бақылау-тәртіптік комитетінің шешімімен Қазақстан Чемпионаты XIX турының «Қайрат» - «Тобыл» ойынының нәтижесі жойылғанын туралы хабарлайды.

Тәртіптік регламенттің 25-бабына сәйкес «Тобыл» футбол клубына 0:3 есебімен техникалық жеңіліс есептелді.