«Өте ауыр тиді»: 33 жастағы Елдос Ахметов үлкен спортпен қоштасты

<span>Футболдан Қазақстан құрамасының ойыншысы Елдос Ахметов кәсіби мансабын аяқтады. Бұл туралы ол желідегі ресми парақшасында мәлімдеді, деп хабарлайды Nur.kz. </span>

<span>«Құрметті жанкүйерлер, достар, әріптестер! </span>

<span>Мен кәсіби мансабымды аяқтаймын деп шешім қабылдадым. Осы шешім мен үшін өте ауыр тиді, себебі биылғы маусымда Павлодардан кетіп, футбол жолымды басқа командада жалғастырғым келді.</span>

<span> Тіпті ұлттық құрамаға оралып, жігіттерге көмектесемін деп ойладым. Бірақ Алланың адамға деген өз жоспары бар. </span>

<span>Өкінішке орай, денсаулық жағдайыма байланысты кәсіби футболда ойыншы ретінде қалуға мүмкіндігім жоқ. Қанша тырыссам да, кез-келген матч немесе жаттығу денсаулығыма ауыр зиян келтіреді. </span>

<span>Алдағы болашақта футболда қаламын деп шештім, сондықтан бапкерлік білім алып, отандық футболымыздың дамуына үлесімді қосқым келеді», - деп жазды Ахметов.</span>

<span> Елдос Ахметов Тараз футбол мектебінің түлегі. </span><span>Ол «Астана» сапында еліміздің екі дүркін чемпионы атанған. Сондай-ақ Қазақстан құрамасы сапында 17 матч өткізген. </span>