ҚКФЛ шілде айының үздік голын анықтады

Қазақстан кәсіпқой футбол лигасы 2023 жылғы маусымның шілдесіндегі ең үздік голды анықтау мақсатында жанкүйерлер арасында ашық сауалнама өткізді, деп хабарлайды Prosports.kz.

Жанкүйерлердің таңдауына өткен айда ел чемпионаты мен Бірінші лигасының ойындары аясында соғылған 10 гол ұсынылды.

Сауалнама қорытындысы бойынша Бірінші лиганың 14-турында «Қайрат-Жастар» командасының қақпасына соғылған «Ақтөбе» жастар командасының жартылай қорғаушысы Ислам Аманғалидің голы үздік деп танылды.

Осы нәтижелі соққы үшін респонденттердің 55,66%-ы дауыс берді.