Қазақстандық балуан қыздар Польшадағы турнирде бес медаль жеңіп алды

Польша астанасы Варшава қаласында күрестен XXVII Poland Open халықаралық жарысы өтіп жатыр.

Қазақстан әйелдер құрамасы өз өнерін аяқтап, бәсекеде 2 күміс, 3 қола медаль жеңіп алды.

Финалға шыққан Ирина Казюлина (65 кг) украиналық Юлия Лесковецке, ал Анастасия Панассович (72 кг) франциялық Кендра Огюстен Джоселин Дачерге жол берді.

Сондай-ақ Айнұр Әшімова (55 кг), Диана Каюмова мен Гүлдана Бекеш (59 кг) өз салмағында үздік үштікті түйіндеді.

Жалпыкомандалық есепте Польша құрамасы бірінші болса, Қазақстан мен Канада үздік үштікті түйіндеді.