«Астана» - «Динамо» Тбилиси ойынына қанша көрермен келді

Чемпиондар лигасының бірінші іріктеу кезеңі аясындағы «Астана» мен «Динамо Тбилиси» арасындағы алғашқы ойынға келушілер саны белгілі болды, деп хабарлайды Prosports.kz.

Бүгін «Астана Аренаға» 27 328 көрермен келді. Жаңалық жарияланған уақытта матчтағы есеп 1:1 (екінші тайм жүріп жатыр). 11-минутта Абат Айымбетов «Астананы» алға шығарса, 57-минутта Габриэль Сигуа қонақтардың серпілуіне көмектесті.

Командалар қарымта матчты 19 шілдеде Тбилисиде (Грузия) өткізеді. «Астана» Тбилисидің «Динамосын» жеңсе, Чемпиондар лигасының екінші іріктеу кезеңінде қазақстандық клубтың қарсыласы Загребтің (Хорватия) «Динамосы» болады.