Артем Черединов «Жеңіске» оралды

Қазақстандық шабуылшы Артем Черединов «Жеңіс» футбол клубына оралды, деп хабарлайды Prosports.kz.

Бұл туралы елордалық клубтың баспасөз қызметі мәлімдеді.

24 жастағы ойыншы петропавлдық «Қызылжардың» түлегі, аталған команда сапында 32 кездесуге қатысып, екі гол соққан. 

Шабуылшы 2022 жылы «Жеңіс» сапында өнер көрсетіп, Бірінші лигада 25 кездесуде 19 гол соққан.