«Зениттің» Әліпті түрік клубына қаншаға сатуы мүмкін екені жарияланды

MEG Football басылымы Қазақстан ұлттық құрамасының қорғаушысы Нұралы Әліптің түрік «Трабзонспорына» ауысуы үшін Санкт-Петербургтің «Зенитінің» алғысы келетін трансфер сомасын атады, деп хабарлайды Prosports.kz.

Қазақстандық қорғаушы Нұралы Әліп үшін клуб шамамен 5 миллион талап етіп отыр. Әзірге бұл трансфер бойынша нақты қадамдар жасалған жоқ.

Еске салайық, 23 жастағы Нұралы Әліп «Зенит» сапында 2022 жылдың ақпан айынан бері өнер көрсетіп келеді. Петерборлық клубпен бірге Ресейдің екі дүркін чемпионы және Суперкубок-2022 иегері атанды. Қазақстандық келісімшарт 2025 жылдың 30 маусымына дейін жарамды.