Қазақстан жасөспірімдер құрамасы Молдовадан жеңілді

Футболдан Қазақстанның 18 жасқа дейінгі жасөспірімдер құрамасы молдовалық құрдастарымен екінші жолдастық кездесу өткізді, деп хабарлайды Prosports.kz.

Тирасполь қаласында өткен ойында алаң иелері 3:0 есебімен жеңіске жетті. Сергей Перчун, Николае Сула және Артур Спринсян гол соқты.

Айта кетейік, алғашқы жолдастық кездесуде Қазақстан құрамасы 2:4 есебімен жеңілген болатын. Біздің құрама сапынан Ерасыл Сәрсенбай мен Тамерлан Ағиманов көзге түсті.