Бақтиер Зайнутдинов: Қарсыласты бағаламау деген болмайды
Қазақстан құрамасы мен мәскеулік ЦСКА командасының жартылай қорғаушысы Бақтиер Зайнутдинов Сан-Марино құрамасына қарсы ойын туралы пікірін бөлісті, деп хабарлайды Prosports.kz.
– Бақтиер , Ресей кубогындағы жеңісіңіз құтты болсын. ЦСКА сапындағы маңызды ойыннан кейін жағдайыңыз қалай?
– Ұлттық құрамаға ел намысын қорғау үшін әрқашан жақсы көңіл-күймен келемін. Кубоктағы жеңіс мені шабыттандырды. Қазір мен физикалық және рухани жағынан бабымдамын.
– Кубоктың финалында жеңіске жеткеннен кейін көзіңізге жас алғаныңыз байқалды. Эмоцияңызды ұстай алмадыңыз ба?
– Бұл жай ғана эмоциялар. Шынымды айтсам, бұл менің Ресейдегі бес жылдағы бірінші жүлдем, сондықтан эмоциялық түрде өзімді ұстай алмадым.
- Ертең Сан-Мариноға қарсы қалай ойнайтындарыңызды айтыңызшы. Сіз шабуыл шебінде әрекет ететін сияқтысыз.
- Магомед Мусаевич айтқандай, Сан-Мариноға қарсы қиын ойын болады. Ертең қарсыластың қорғанысын бұзып-жаруға тура келеді, бұл оңай болмайды. Қарсыласты бағаламау деген болмайды, біз жүз пайызға дайынбыз. Менің позицияма келер болсақ, мен әлі білмеймін.
– Осыдан төрт жыл бұрын біз Сан-Мариномен Астанада кездесіп, онда ірі жеңіске жеткен болатынбыз. Бұл ойындар есіңізде ме?
– Ол кезде мен қатысқан жоқпын, бірақ біз оларды сырт алаңда 3:1 есебімен жеңгеніміз есімде, ол кезде оңай ойын болған жоқ. Үш-бес жыл өтті және осы уақыт ішінде олар көп жағынан жақсарды. Қазір олардың ойындарына қарасақ, бұрынғы команда емес.
– Бұл сұрақты осы жерде қою дұрыс болар еді деп ойлаймын. Соңғы екі маусымда сізді А сериясына ауысады деген ақпарат көп тарады. Келесі маусымда сондай ойнау ықтималдығы қандай?
– Топ-5 чемпионатқа ауысу – менің бала күнгі арманым. Маған да, ЦСКА-ға да ұнайтын ұсыныс болуы керек, содан кейін түсінікті болады. Бірақ бұл менің арманым екенін айта аламын, мен осы бағытта келе жатырмын.
Фото: ҚФФ