Виктор Васин «Қайраттан» кетуі мүмкін

«Қайрат» қорғаушысы Виктор Васиннің ісімен айналысатын агент Арсен Минасов Metaratings.ru сайтына берген сұхбатында футболшының жазғы трансфер кезінде Ресейге оралуы мүмкін екенін айтты, деп хабарлайды Prosports.kz.

«Мүмкін. Барлығы ұсынысқа байланысты», - деді Минасов.

Айта кетейік, Васин Ресей Премьер-лигасында (РПЛ) 143 матчқа қатысып, бес гол соқты және екі нәтижелі пас берді. 2022 жылы ақпаннан бастап қорғаушы «Қайрат» сапында доп теуіп жүр. Оның қазақстандық клубпен келісімшарты 2023 жылдың соңында аяқталады.