Матеу Лаос төреші карьерасын аяқтады

Испаниялық төреші Матеу Лаос карьерасын аяқтағанын мәлімдеді, деп хабарлайды Prosports.kz.

46 жастағы төреші Испания элиталық дивизионында 15 жыл қызмет етті. Ла Лиганың «Мальорка» мен «Райо Вальекано» (3:0) кездесуінде екі команданың ойыншылары оған құрмет дәлізін жасады.

Лаос 2018 және 2022 жылдардағы әлем чемпионаттарында жұмыс істеді, сонымен қатар 2021 жылғы Чемпиондар лигасының финалына төрелік етті. Соңғы әлем чемпионатында ол үш ойында, оның ішінде ширек финалдағы Аргентина мен Нидерланды арасындағы матчта қазылық етті.