«Астананың» екі ойыншысы Армения құрамасына шақырту алды

Армения футбол федерациясы Еуро-2024 іріктеу матчтарына шақырылған ойыншылар тізімін жариялады, деп хабарлайды Prosports.kz.

Тізімде Қазақстан Премьер-лигасында доп тебетін екі ойыншы бар.

«Астана» қорғаушылары Вараздат Ароян мен Камо Ованисян Армения құрамасы сапында 16 маусымда Уэльспен, 19 маусымда Латвиямен кездеседі. 

8-14 маусым аралығында Армения құрамасы АФФ техникалық орталығында/Футбол академиясында оқу-жаттығу жиынын өткізеді.