АПЛ аяқталды. Қорытынды нәтижелер

Англия Премьер лигасының 2022/23 жылғы маусымы мәресіне жетті, деп жазады Prosports.kz.

<span>Маусым қорытындысында «Манчестер Сити» чемпион атанды. Манчестерлік команда қатарынан үшінші жыл жеңімпаз атанып отыр. Олар кейінгі 6 жылда 5 рет АПЛ-ды жеңіп алды, ал жалпы тарихта 7 мәрте топ жарған (АПЛ-да). Биыл 38 ойында 89 ұпай жинап, 94 гол соқты. Екінші орындағы «Арсеналдан» 5 ұпай озды.</span>

<span>Келер маусымда Чемпиондар лигасына </span><span>«Ситиден» бөлек</span><span> «Арсенал» (84 ұпай), «Манчестер Юнайтед» (75) және «Ньюкасл Юнайтед» (71) командалары қатысады.</span>

<span>«Ливерпуль» (67 ұпай) мен «Брайтон» (62) Еуропа лигасының топтық кезеңіне тікелей жолдама алса, «Астон Вилла» (61) Конференция лигасының іріктеу кезеңіне қатысады.</span>

<span>Көш соңында қалған «Лестер» (34 ұпай), «Лидс» (31) және «Саутгемптон» (25) төменгі лигаға түсіп қалды. </span>

<span>Үздік сұрмерген атағы «Манчестер Сити» шабуылшысы Эрлинг Холандқа бұйырды. Норвегиялық ойыншы АПЛ-дағы алғашқы маусымында 36 гол соғып, лига рекордын жаңартты.  </span>