УЕФА президенті ұйым Еуропада жалақыға шектеу енгізгісі келетінін айтты

УЕФА президенті Александр Чеферин ұйым Еуропада жалақыға шектеу енгізгісі келетінін айтты, деп хабарлайды Prosports.kz.

«Барлығы келісті. Үлкен және кіші клубтар, миллиардерлер иелігіндегі командалардың барлығы келісіп тұр. Болашақта біз жалақыға шектеу енгізуді ойластыруымыз керек. Егер бюджет көбейіп кетсе, онда бәсекелестік тепе-теңдік проблемаға айналады. Мұның бәрі жарыстың құндылығына байланысты. Бес клуб әрқашан жеңетін болса, онда не керегі бар», - деді Чеферин.