Месси әлем чемпионатында жеңіске жеткеннен кейін ПСЖ-дан жалақысын көтеруді сұраған

ПСЖ шабуылшысы Лионель Месси 2022 жылғы әлем чемпионатында жеңіске жеткеннен кейін клубтан жалақысын көтеруді сұраған, деп хабарлайды Prosports.kz тілшісі «РИА Новости Спорт» сайтына сілтеме жасап.

Жеті дүркін «Алтын доп» иегері мен клуб менеджерлері 2022 жылдың соңында жаңа келісімшарт бойынша келісімге келген, бірақ Аргентина құрамасы әлем чемпионатында жеңіске жеткеннен кейін Месси жалақыны көтеруді сұраған.

Лионель Мессидің ПСЖ-мен келісімшарты осы маусымның соңында аяқталады. Бұған дейін БАҚ-та спортшы кжалақысын 75 пайызға қысқартуға келіспейтіндіктен клубтан кететіні хабарланған болатын.

Қазіргі уақытта сарапшылар Месси «Барселонаға» оралуы мүмкін деп есептейді.