ЧЛ: «Манчестер Сити» мен «Интер» жартылай финалға жақындады

Чемпиондар лигасының 1/4 финалының алғашқы ойынында «Манчестер Сити» өз алаңында «Баварияны» жеңді, «Интер» сырт алаңда «Бенфикадан» басым түсті, деп хабарлайды Prosports.kz.

Англиядағы матч 3:0 есебімен аяқталды. Жеңімпаздар қатарында Родриго, Бернардо Силва және Эрлинг Холанд гол соқты.

«Интер» Николо Барелла мен Ромелу Лукаку соққан голдар арқасында қарсыласын 2:0 ұтты.

Чемпиондар лигасының 1/4 финалының қарымта ойындары 19 сәуірде өтеді.