ЦСКА Зайнутдиновтің қатарға қашан оралатынын хабарлады

Қазақстан құрамасы мен мәскеулік ЦСКА ойыншысы Бахтиёр Зайнутдинов төрт-алты аптаға алаңға шыға алмайды, деп хабарлайды Prosports.kz сайты meta-ratings.kz-ке сілтеме жасап.

Медициналық тексерістен кейін ойыншының аяқтың төменгі бұлшықеттерінің сіңірлеріне зақым келгені белгілі болды. Бұған дейін футболшы қатарға қосылуға екі ай уақыт қажет екені хабарланған болатын.

Айта кетейік, ЦСКА мен «Оренбург» арасындағы жолдастық матчта 24 жастағы ойыншы жараланып қалған.

Айта кетейік, аталған кездесуді Қазақстан құрамасының бас бапкері Магомед Адиев тамашалады.