Дания құрамасы көшбасшыларының бірі наурыз айында Қазақстан құрамасына қарсы ойнамайды

«Манчестер Юнайтедтің» жартылай қорғаушысы Кристиан Эриксен ауыр жарақат алып, Астанада өтетін Еуро-2024 іріктеу додасында Қазақстанға қарсы ойнамайды, деп хабарлайды Prosports.kz.

Англия Кубогының «Ман Юнайтед» пен «Рединг» арасындағы ойынның 57-минутында ауыстырылған даниялық ойыншы Энди Кэрроллдың соққысынан кейін тобық жарақатын алды.

Эриксен алаңға сәуір аяғында немесе мамырдың басында оралуы мүмкін.

Еске салайық, 2024 жылғы Еуропа чемпионатының іріктеу кезеңіндегі Қазақстан – Дания матчы 26 наурызда Астанада өтеді.