Қазақстан футболдағы легионерлерге жаңа лимит енгізді

2023 жылғы маусымнан бастап ҚПЛ-дағы шетелдік ойыншыларға шектеу өзгереді, деп хабарлайды Prosports.kz.

ҚФФ Атқару комитетінің мүшелері ПФЛК өтінішін қарап, жаңа шешім шығарған. Жаңа маусымнан бастап ҚПЛ клубтары бір мезгілде 7 шетелдік ойыншыны алаңға шығара алады. Бұл шектеу ЕАЭО-ға кірмейтін елдердің (Беларусь, Қырғызстан, Ресей және Армения) азаматтарына қатысты екені нақтыланды.

Бұған дейін сырттан келген ойыншылар үшін шекті алаңда 6 ойыншыға дейін болатын. Өтінімдегі легионерлер саны өзгеріссіз қалды – сегіз шетелдік.

Бұл ретте клубтар ақылы негізде легионерлерді қосымша жариялай алады, ал түскен қаражат Қазақстанда жасөспірімдер футболын дамытуға жұмсалады.