Қош бол, Еуропа лигасы. «Ордабасының» еуросаяхаты бітті

<p style="text-align: justify;"> <strong>Шымкенттік &laquo;Ордабасы&raquo; Еуропа лигасы бірінші іріктеу кезеңінде Иерусалимде өзіне қолайлы нәтижеге қол жеткізе алған жоқ, деп хабарлайды &laquo;PROСПОРТ&raquo;.</strong></p> <p style="text-align: justify;"> Естеріңізде болса, осыдан бір апта бұрын Шымкентте &laquo;Ордабасы&raquo; мен &laquo;Бейтар&raquo; есеп аша алмай, 0:0 есебімен тең түсті. Сондықтан Иерусалимде өткен матчта шымкенттіктерге нәтижелі тең есеп те қолайлы болатын.</p> <p style="text-align: justify;"> Матч алаң иелерінің қарқынды шабуылдарымен басталды. &laquo;Бейтар&raquo; ойыншылары жылдам гол салып, жағдайды біршама жеңілдетіп алуға ұмтылған. Алғашқы шабуылдарды &laquo;Ордабасы&raquo; қорғаушылары тоқтата алды. 17-минутта израильдік ұжым Андрей Сидельниковтың қақпасынан саңлау тапты. Омер Ацили ұрымтал тұстан мүлт кеткен жоқ. Алаң иелері бұл голмен тоқтап қалмай, &laquo;Ордабасы&raquo; қақпасын екінші рет дәл көздеуге тырысты. Ал Виктор Кумыков шәкірттері ұзақ уақыт бойы &laquo;Бейтар&raquo; қақпашысы Кляйманның мазасын ала алмады. 30-минутта Александр Гейнрих тамаша соққы жасады &ndash; қиыс.</p> <p style="text-align: justify;"> Үзілістен кейін Виктор Кумыковтан нұсқау алған &laquo;Ордабасы&raquo; ойыншылары екінші таймды белсенді бастады. 49-минутта Артем Касьянов алаң иелерінің қақпасын нысанаға алған &ndash; биік. 60-минутта алаң иелері нәтижелі тағы бір шабуыл ұйымдастыра алды. Нахманидің алыстан бағыттаған соққы Сидельников қақпасының маңдайшасына тиген, кері серпілген допты Довев Габбай бос қақпада тулата салды &ndash; 2:0. Тоблодағы бұл көрсеткіш ұзақ уақыт сақтала қойған жоқ. Стандарттық шабуылды шебер пайдаланатын &laquo;Ордабасы&raquo; ойыншылары 66-минутта есеп айырмасын қысқартты. Сол қанаттан жасалған бұрыштама допты ойынға тыңнан қосылған Кирилл Петров голға айналдырды. Қалған минутта Виктор Кумыков шәкірттері екінші голын салуға тырысқанымен, &laquo;Бейтар&raquo; қорғаныста сақ ойнап, жеңісті уысынан жіберген жоқ.</p> <p style="text-align: justify;"> Өкінішке қарай, &laquo;Ақтөбенің&raquo; ізімен &laquo;Ордабасы&raquo; да Еуропа лигасында жарыс жолынан шығып қалды. Ендігі үмітіміз - &laquo;Қайрат&raquo;.</p> <p style="text-align: justify;"> <strong>&laquo;Бейтар&raquo; - &laquo;Ордабасы&raquo; 2:1 (1:0) </strong></p> <p style="text-align: justify;"> <strong>Голдар: </strong>1:0 &ndash; Ацили 17, 2:0 &ndash; Габбай 60, 2:1 &ndash; Петров 66</p> <p style="text-align: justify;"> <strong>&laquo;Бейтар&raquo;: </strong>Кляйман, Даса (Йерхуам 67), Хила, Клаудемир, Матович, Асклинн, Ацили, Фреда (Коэн 53), Жаири, Нахмани (Магбо 74), Габбай.</p> <p style="text-align: justify;"> <strong>&laquo;Ордабасы&raquo;: </strong>Сидельников, Сүйімбаев, Абдулин, Малый, Симчевич, Нұрғалиев, Әшірбеков (Тұңғышбаев 62), Касьянов, Адырбеков (Петров 58), Тәжімбетов, Гейнрих.</p> <p style="text-align: justify;"> <strong>Төрешілер: </strong>Радек Пржигода, Иво Надворник, Якуб Грабовски (бәрі де &ndash; Чехия)</p> <p style="text-align: justify;"> <strong>Ескертулер: </strong>Фреда 6, Габбай 41, Нахмани 53, Даса 56 &nbsp;&ndash; Адырбеков 51, Малый 56, Гейнрих 70</p> <p style="text-align: justify;"> <strong>Алаңнан қуылды: </strong>Касьянов 90+3</p>