Қазақстан құрамасының ойыншысы еуропалық клубқа ауысуы мүмкін

Футболдан Қазақстан құрамасының жартылай қорғаушысы Рамазан Оразовқа еуропалық клуб қызығушылық танытып отыр, деп хабарлайды Prosports.kz сайты Meta-ratings.kz-ге сілтеме жасап.

Журналист Ермұхамед Мәуленнің айтуынша, оған Бельгия бірінші дивизионында бақ сынайтын «<span>Льерс</span>» клубы қызығушылық танытып отыр.

Оразов бұған дейін латвиялық «Даугавпилс» пен ресейлік «Чайка» командаларында өнер көрсеткен.

Өткен маусымда 24 жастағы жартылай қорғаушы «Ақтөбе» сапында 22 матчқа қатысты.